Vieiros

Comeza a conta atrás cara as eleccións europeas do domingo 7 de xuño. En Galiza están chamadas a votar 2,6 millóns de persoas. Hai habilitadas unhas 4.150 mesas, repartidas en máis de 2.500 colexios electorais por todo o país, que abrirán ás súas portas ás 09h00 e pecharán ás 20h00. No Estado Español escóllense 50 escanos dos 736 que conforman o Parlamento Europeo.

Tras a xornada de reflexión deste sábado, o domingo votarase no Estado Español. Porén, no Reino Unido e nos Países Baixos os cidadáns xa acudiron ás urnas, e os italianos, checos, eslovacos, letóns, malteses e chipriotas votan este sábado.

Peche de campaña en Vigo
O BNG, PSdeG e PPdeG escolleron a cidade de Vigo para pechar a súa campaña para as eleccións europeas. Todas as formacións fixeron chamamentos para votar, ante o temor a que a abstención sexa considerábel.

• "O BNG é a única formación que representa en Europa os intereses galegos"
• "O PSOE gañará en Europa, aínda que sexa no último momento e de penalti"
• Feijoo chama a votar para que o PP "consiga dúas maiorías absolutas en 90 días"

• Especial Eleccións Europeas 2009
• Especial: Europa Terra de Pobos