Vieiros

Este 23 de febreiro Laza celebra o seu Luns Borralleiro, un dos puntos culminantes do seu entroido. Pola mañá, as rúas da vila énchense do ritmo das charangas, mentres teñen lugar a farrapada e a xitanada dos burros e maragatos na céntrica praza da Picota.

Pola tarde é a quenda da baixada da Morena dende Cimadevila, acompañada de toxos, cobelleiros e das famosas formigas. Ao remate, as persoas participantes no entroido de Laza repoñen forzas con cachucha, pan e viño. Pola noite, haberá verbena e baile con dúas orquestras.

No YouTube hai vídeos de edicións pasadas do entroido de Laza, aínda que non é o mesmo que vivilo in situ.