Edición xeral
As tropas rusas retiraranse defintivamente de Xeorxia o venres
Segundo informa a prensa local citando ao presidente ruso. O goberno vetará, porén, o plan de Francia na ONU.
A retirada das tropas rusas de Xeorxia, iniciada o pasado 18 de agosto, poderíase completar este venres, segundo publica esta cuarta feira a prensa local citando ao presidente Dmitri Medvedev.
O dirixente de Rusia comunicoulle ao xefe do Estado francés, Nicolás Sarkozy, que "unha parte das forzas de paz se repregará cara á zona provisional de seguridade que a Comisión Mixta de Control definiu na súa resolución de 1999".
"Os demais efectivos vanse a retirar cara ao territorio de Osetia do Sur e cara a Rusia", confirmoulle Medvedev ao presidente galo este martes por teléfono.
Veto na ONU
Por outra banda, o goberno ruso vetará, en caso de se someter a votación, a proposta de resolución promovida por Francia na ONU para que Rusia retire inmediatamente as súas tropas de Xeorxia. O plan francés reafirma ademais a integridade territorial de Xeorxia.
Moscova alega que o texto non inclúe os seis puntos do acordo de paz pactado co goberno xeorxiano baixo a mediación de Sarkozy.
Novas relacionadas
- Máis de 100 mil desprazados polo conflito no Cáucaso
- Rusia anuncia que comezará a retirar as súas tropas de Xeorxia nas vindeiras horas
- A UE enviará observadores a Xeorxia, mentres os tanques rusos continúan as operacións
- Morre un xornalista holandés vítima dos ataques rusos en Xeorxia
- A guerra entre Rusia e Xeorxia tamén se librou na rede
- Rusia anuncia a "suspensión" da operación militar
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto