Vieiros

Teimou unha vez máis o candidato do PP andaluz a presidir a Junta en que a inclusión de galego, catalán e éuscaro nas Escolas Oficiais de Idiomas de Andalucía é "facerlle o xogo ao nacionalismo". Na opinión de Javier Arenas, "que se diga que sen linguas autonómicas non hai oportunidades laborais é unha coartada que o PP non pode aceptar". "Dicir que catalán, galego e éuscaro dan máis oportunidades laborais en España supón recoñecer que co castelán non temos as mesmas oportunidades", afirmou Arenas.

"Estudar galego, catalán e éuscaro en Andalucía é a última das prioridades, pois a educación en Andalucía necesita antes dotarse de novas tecnoloxías, que haxa bilingüismo español-francés e español-inglés, que estean os profesores ben retribuídos en Andalucía, que as ratios medias nas aulas sexan comparábeis ás do resto de España e que se acabe coa violencia escolar", argumentou Arenas insistindo no rexeitamento á proposta de ofertargalego, catalán e éuscaro nas EOI.