Vieiros

A agresión sufrida este domingo polo primeiro ministro italiano, Silvio Berlusconi, xa provocou unha dura guerra virtual nas redes sociais. Así, persoas partidarias do agresor, Massimo Tartaglia, crearon grupos de seareiros, que están a ser respondidos rapida e masivamente por xente que apoia a Berlusconi.

No Facebook, Tartaglia achégase aos 50 mil apoios, repartidos entre varios grupos. Pola súa banda, xurdiron páxinas co lema "apoiemos a Berlusconi contra os seareiros de Tartaglia", que se achegan xa ás 400 mil sinaturas virtuais. Pero este aparente desequilibro ten trampa: sortean un iPhone entre as persoas que sumen o seu apoio ao primeiro ministro.

O asunto está a acaparar tamén as primeiras páxinas dos principais medios de comunicación do mundo, especialmente en Italia. No país mediterráneo estase a facer un seguimento case ao minuto do estado do político, con informacións acompañadas de galerías fotográficas e vídeos do momento en que Massimo Tartaglia arrebolaba unha figura do Duomo de Milán á face de Berlusconi.

Segundo as últimas informacións, o mandatario italiano asegura dende o hospital que está ben e pediu os xornais. Tartaglia foi trasladado á prisión de San Vittore.

• La Repubblica: Berlusconi, notte tranquilla e chiede i giornali
• Corriere della Sera: Premier colpito al viso dopo il comizio «Sto bene, sto bene». Ma resta in ospedale
• Il Messaggero: Berlusconi aggredito, notte tranquilla
• La Stampa: Berlusconi dall'ospedale: "Sto bene"
• RAINews24: Berlusconi è sereno e ha chiesto i giornali
• The New York Times: Attacker Fractures Berlusconi’s Nose
• Público: Berlusconi agredido enquanto dava autógrafos
• BBC: Berlusconi nose broken by protest attacker
• El País: Berlusconi, agredido en Milán por un hombre con problemas mentales