Vieiros

"Nin si nin non nin todo o contrario". Tal foi a definición que arranxou este mércores o voceiro nacional do BNG, Guillerme Vázquez, ao respecto da posición da Xunta na negociación no Consello de Política Fiscal e Financeira.

"A abstención galega non a decidiu o Goberno galego, senón a sede Génova e o señor Rajoy", avaliou Guillerme Vázquez, "Feijoo demostrou a nula autonomía política de que dispón", afirmou. "Cando todas as comunidades autónomas gobernadas polo PP votan o mesmo o que se evidencia é que o fan non en función de se saen mellor ou peor paradas no novo sistema de financiamento, senón en función dos intereses políticos do Partido Popular a nivel estatal", expresou o líder nacionalista. "Quen vai tomar en serio agora ao señor Feijoo", dixo.