Vieiros

De "precipitadas" e "pouco meditadas" cualificou este xoves o alcalde de Vigo, Abel Caballero, as declaracións do presidente da Xunta, Alberto Núñez Feijoo, ao respecto do plan de financiamento de compra de vehículos.

"Que a pense ben, e que diga por que non quere axudar á salvación de Citroën", afirmou ao fío Abel Caballero. O rexedor lembrou que varias comunidades autónomas anunciaron que apoiarán esa medida e dixo que non se entendería que Galiza, "que ten a primeira industria" a nivel estatal, "diga que non". Deste xeito, o alcalde insistiu en conferencia de prensa en que "non se entende" por que o titular do Executivo "se opón" á medida que anunciou o presidente do goberno español, e recordou que "non hai precedentes de que un presidente propoña unha iniciativa para salvar a industria do automóbil, e nela a Citroën, e o presidente da Xunta diga inmediatamente que non".