Vieiros

O presidente da República Portuguesa, Aníbal Cavaco Silva, está decidido a ter presenza na internet. Na súa páxina oficial anunciouse que xa está en YouTube, Sapo Vídeos, Flickr e Twitter, onde informará das súas iniciativas.

Cavaco Silva presentouse nun vídeo asegurando que "o rápido desenvolvimento das tecnologias da informação e comunicação coloca-nos constantemente novos desafios". A súa presenza en Twitter inaugurouse o día 19, mentres que as contas do presidente no resto das redes sociais arrancaron esta terza feira, cando se engadiron contidos.

A Presidencia fará dispoñíbeis, deste xeito, a súa axenda, novas, mensaxes e outras iniciativas en varios formatos. Cavaco engadiu: "valorizo muito estas novas formas de comunicação e o desenvolvimento das tecnologias que as suportam".