Vieiros

Os políticos do estado máis poboado de Australia, Nova Gales do Sur, teranse que someter a unha proba de alcoholemia antes de votar leis. A decisión tomouse despois dunha serie de embarazosos incidentes nocturnos que salpicaron o goberno de centro-dereita.

Segundo informa a axencia Reuters, o parlamentario Andrew Fraser tivo que dimitir do seu papel de líder da oposición conservadore despois de empurrar unha compañeira tras as festas de celebración do Nadal. Outro caso foi o do ministro de política estatal, Matt Brown, que foi expulsado do seu cargo en setembro despois de, supostamente, bailar provocativamente en roupa interior sobre o peito dunha colega nunha festa, que chegou ás portadas dos principais xornais.

O líder da oposición conservadora Barry O'Farrel dixo que apoiaría os controis de alcoholemia para os lexisladores antes da súa entrada no parlamento, mentres que os Verdes John Kaye e Lee Rhiannon tamén lle deron o visto e prace, ademais do voceiro do Parlamento: "Honestamente, se se lles fan probas aos condutores de guindastres, tamén se lles deben facer aos que escriben leis", dixo Kaye.