Vieiros

Este venres comeza a oitava edición do campionato de tenis en cadeira de rodas, en Ferrol. No torneo participan 18 xogadoras e xogadores, entre os que destaca a presenza dos tres primeiros da clasificación estatal. O venres disputaranse as primeiras eliminatorias, mentres que para o sábado quedarán as semifinais e o domingo a gran final.

Este torneo supón unha reedición da saudábel rivalidade que manteñen Álvaro Illobre e Kiko Tur, os dous primeiros da clasificación estatal. Illobre chega como actual campión do torneo e contará co apoio da afección local. Kiko Tur, primeiro da clasificación estatal, buscará redimirse das últimas derrotas sufridas nos campionatos estatais, tanto individuais como por equipos.