Vieiros

O Día Nacional de Cataluña (Diada) está marcado este ano polas homenaxes públicas á bandeira independentistas (estelada). No centenario desta insignia, máis dun cento de concellos penduran este xoves a bandeira coa estrela branca e o triángulo azul. A maioría dos rexedores de CiU, ERC, Iniciativa per Catalunya ou de CUP sumáronse á iniciativa, aínda que tamén houbo casos onde o PSC votou a favor. No plano máis institucional, o presidente do Parlament, Ernest Benach, fixo un chamamento para que os partidos cataláns se unan para negociar un novo modelo de financiamento.

Dende Galiza viaxaron até terras catalanas dirixentes do BNG para participar na Diada. O voceiro nacional, Anxo Quintana, participou na oferenda floral de CiU e nos actos institucionais organizados polo Parlament. Pola súa parte, o senador do Bloque, Xosé Manuel Pérez Bouza, está presente nos actos que organiza Esquerra Republicana.

Poden ampliar información aquí:

Vilaweb: Diada amb estel
El punt: Guerra de banderes
Avui: Govern i Parlament obren las ofrenes florals al monument a Rafael Casanova