Vieiros

A Consellaría de Educación vai estudar a posibilidade de rescindir os convenios con centros privados que fomentan a segregación de nenas e nenos nas aulas. Dende este departamento da Xunta aseguráronlle a Vieiros que van analizar a sentenza do Tribunal Supremo que considera que as administracións teñen dereito a negarlle subvencións aos centros que non sexan públicos.

Tal e como informabamos, a Xunta mantén concertos con colexios que só permiten alumnos dun só sexo. En Vigo hai dous exemplos: Las Acacias (feminino) e Montecastelo (masculina). Na Coruña hai, polo menos, outros dous casos: Montespiño (feminino) e Peñarredonda (masculino). Os catro centros mencionados pertencen a Fomento de Centros de Enseñanza, unha federación vinculada ao Opus Dei.

• Anterior: Educación destina cartos públicos a colexios que segregan nenas e nenos