Vieiros

Roberto García-Calvo faleceu este domingo aos 65 anos de idade, despois de encontrarse subitamente mal á volta dunha xornada de caza. García-Calvo formaba parte do Tribunal Constitucional desde o ano 2001, cando entrara na institución despois de ser elixido polo Congreso a proposta do PP.

A desaparición da escena pública deste xuíz ten un profundo significado, xa que formaba parte do mediaticamente bautizado como "bloque conservador" do Constitucional. O seu pasamento modifica novamente o equilibrio de forzas do TC nun momento onde se agarda a resolución das sentenzas sobre o Estatuto de Cataluña e a lei que regula o casamento entre persoas do mesmo sexo, normas as dúas sobre as que presentara recurso o Partido Popular.

Poden ampliar en:

• La Vanguardia: A morte de García Calvo agrava a crise do TC ante a sentenza do Estatut
• ABC: Falece o maxistrado do TC Roberto García-Calvo