A formación integrada no BNG deu a coñecer o nome das once persoas que conforman o máximo órgano de dirección.
A Mesa Nacional de Esquerda Nacionalista reuniuse este venres en Compostela para designar a nova Executiva da formación. O órgano saído da VI Asemblea celebrada o 30 de marzo aprobou o reparto de funcións directivas.
Ademais de Alberte Xullo Rodríguez Feixóo (Presidente) e Xosé Chorén Vázquez (Secretario Nacional), que xa foran nomeados directamente na Asemblea Nacional, entran no máximo órgano de dirección os seguintes militantes: Xoán Manoel Rama Trillo (Coordinador Executivo); Francisco Xavier Freire Chico (Secretario de Organización); Vítor Manuel Martíns Cacharrón (Secretario de Iniciativas Políticas); Pilar Cóo López (Secretaria da Muller); Natalia Costa Alonso (Secretaria de Acción Social); Manuel María Lourido Aguiar (Secretario de Finanzas); Pedro Gómez-Valadés (Secretario de Comunicación); Xoaquín Acosta Beiras (Secretario de Relacións Institucionais); e Adrián Rodríguez Bravo (Secretario de Mocidade).