Vieiros

A Frente Popular Galega celebrou o pasado sábado en Vigo a súa V Conferencia Nacional. Segundo fixeron saber nunha nota pública, un dos debates máis importantes do encontro virou arredor das posíbeis alianzas de cara ás eleccións autonómicas do vindeiro ano. A maioría da militancia avogou por potenciar os contactos con toda a esquerda nacionalista galega, mesmo con organizacións agora intergradas no BNG. A FPG móstrase en principio favorábel a unha candidatura unitaria de forzas soberanistas.

Os militantes desta organización independetista que cumpre 20 anos, tamén referendaron diferentes campañas para os vindeiros meses. A primeira delas leva por lema “Produción enerxética: Lucro colonial” e pretende denunciar “o ambicioso, lucrativo e indiscriminado proxecto de produción de enerxía eólica promovido pola Xunta”