Vieiros

O Salón do Libro abre as súas portas oficialmente ás once e media da mañá cunha cerimonia de inauguración conducida pola Aula de Teatro de Pontevedra e na que intervirán Ánxela Bugallo, Conselleira de Cultura, e Miguel Anxo Fernández Lores, alcalde da cidade.

Este domingo pasarán polo Pazo de Cultura de Pontevedra contacontos, e comezará o obradoiro de pintura impartido por Antón Sobral. A partir das seis da tarde o Teatro Principal acollerá a obra Niña Frida, de Karlik Danza. Pola noite, de novo no Pazo da Cultura, a Orquestra de Cámara Lira ofrecerá un concerto.