Vieiros

Durante este domingo, os restos mortais de Xosé Cuíña son visitados na capela ardente instalada no salón de plenos do concello de Lalín. Entre os visitantes estiveron o presidente do PPdeG, Alberto Núñez Feijoo; o do PP estatal, Mariano Rajoy; o presidente da Xunta, Emilio Pérez Touriño, e o seu antecesor no cargo, Manuel Fraga Iribarne. O enterro está previsto para as catro e media da tarde na súa parroquia de Prado.

Nestes últimos días, a prensa do país dedicoulle artigos de opinión a unha figura que marcou toda unha época na política galega. Dende a súa achega para un PPdeG máis autónomo de Xénova até o seu papel como eterno sucesor de Manuel Fraga, que nunca chegou a ser, pasando polo seu espectacular ascenso político dende Lalín, opinadores e editorialistas debullaron polo miúdo a vida de Cuíña Crespo.