Vieiros

Elevada dispersión poboacional, moitos quilómetros de estradas, ausencia de beiras rúas, falla de iluminación, poboación maior que camiña por lugares indebidos, a cuestión dos corredores autonómicos como o do Barbanza e o Salnés... Reparou Francisco Rodríguez en moitas das cuestións que na súa opinión amosan a "especificidade" de Galiza en materia de Tráfico e Seguridade Viaria, e que sosteñen a petición do traspaso das competencias nesta materia. O deputado galego aproveitou para este debate a comparecencia do xefe da DXT, Pere Navarro, na última sesión da Comisión de Seguridade Viaria desta lexislatura no Congreso.



O deputado do BNG remarcou a especificidade de Galiza nesta materia e apuntou ás causas: unha dispersión poboacional tremenda, moitos quilómetros de estradas, ausencia de beiras rúas, falla de iluminación, poboación maior que camiña por lugares indebidos, a cuestión dos corredores autonómicos como o do Barbanza e o Salnés. "A nivel estatal os accidentes mortais aumentaron lixeiramente no 2007 respeito ao 2006, pero hai un descenso respeito ao 2003. Pero na Galiza, os accidentes con vítimas mortais aumentaron un 19% no 2007 fronte ao 2006 e un 22% fronte ao 2003", laiouse Rodríguez, cualificando de "especie de sucedáneo" o plan especial de seguridade viaria anunciado para Galiza e insistindo en que "tanto a Garda Civil como a policía local están desexando que se efectivice o traspaso".