Vieiros

Arredor das 2.30 da madrugada deste xoves unha forte explosión puido escoitarse no barrio Forte, na vila de Cangas do Morrazo. A bomba tiña como obxectivo o local da Inmobiliaria Morrazo e só causou importantes danos materiais.

Até a zona desprazáronse numerosos efectivos policiais que acordonaron a zona. As primeiras hipóteses apuntan a que o explosivo estaba composto por catro quilos de cloratita. As forzas policiais barallan a posibilidade de que poida ser obra de Resistencia Galega, mais polo de agora ninguén reivindicou a autoría.

Hai que sinalar que esta mesma mañá o subdelegado do goberno estatal, Delfín Fernández, tiña previsto desprazarse á vila para asistir a unha reunión da Xunta Local de Seguridade.