Vieiros

“O que nos ensinou o proceso de paz en Irlanda é o fundamental que é redoblar os esforzos para non deixar morrer un proceso de paz”. Con estas palabras o líder do Sinn Feinn, Gerry Adams, pedía esta tarde un novo esforzo a “todas as partes” para que retomen “un diálogo real” de cara a lograr o fin da violencia en Euskadi.

Adams -líder dos republicanos irlandeses e que conduciu o IRA ao desarme- asegura que cómpre involucrarse en profundidade nas negociacións para “asegurarse que o proceso comeza de novo a andar”. Malia todo, o presidente do Sinn Feinn, asegura sentirse “decepcionado” tras o anuncio de ETA de que hoxe remataba a súa tregua.

Ao longo do proceso de paz en Euskadi téñense trazado comparacións coas negociacións que deron fin ao IRA; comparacións que foron rexeitadas tanto polo Partido Popular como polo Goberno socialista.