Vieiros

Ás portas da cita coas urnas, a deputada luguesa xa cargara contra o presidente en funcións da Deputación de Lugo, asegurando que Cacharro estaba por tras da promoción dalgunhas listas do Partido Galeguista e de Terra Galega na provincia de Lugo e atribuíndolle xestións para tratar de formar outras que se quedaron no camiño.

Despois do significativo descenso en votos do PPdeG en toda a provincia, caída traducida na perda do poder na Deputación, Susana López Abella recupera as críticas contra o barón popular lugués e subliña que este "non foi suficientemente leal co partido". López Abella considera que o acontecido o 27M confirma as acusacións que ela mesma lanzara durante a campaña electoral cara a Cacharro Pardo. "Aínda que somos forza predominante na provincia de Lugo, non imos ter a deputación nin algunhas alcaldías tradicionais do partido", laiouse.