Vieiros

"O debate é que as deputacións sobran e que se necesita unha nova organización de país", afirmou Anxo Quintana na súa intervención. O líder do Bloque criticaba así en especial o modelo de deputación xestionada estes anos polo popular Francisco Cacharro.

Na súa opinión é necesario insistir na necesidade de "reformular" o funcionamento das deputacións. Ao fío, falou tamén dun novo modelo de financiamento para os concellos como clave para unha mellor xestión do local, desafío que na súa opinión é un dos argumentos polos que Galiza "precisa un novo Estatuto".

O BNG agarda a volta da coalición de goberno a Lugo
O nacionalismo reivindicou esta fin de semana en Lugo o traxecto de goberno compartido entre 1999 e 2003 xunto aos socialistas e criticou a orientación tomada polo Concello desde a consecución hai catro anos da maioría absoluta por Xosé López Orozco.

Na súa intervención, o candidato do Bloque, Xosé Anxo Laxe, reparou en especial no Plan Xeral de Ordenación Municipal, que cualificou de "especulativo" na súa redacción actual, e dixo agardar que o BNG sexa "garantía de que se modifique". "Lugo necesita un plan xeral para os veciños, e non contra os veciños", comentou.