Vieiros

Despois de xantar -de dúas a cinco e media, para que lles dea tempo aos 1.500 a pasar pola cafetaría- comezan as competicións de xogos, unha das actividades preferidas dos participantes no encontro. O primeiro relatorio vespertino é, ademais, sobre o mesmo tema: o novo concepto de xogo WAM-UP do mítico Navy Moves, que fai 20 anos.

Pero, a pesar da potente rede que rodea todo o Palacio de Congresos, o conferenciante, Manuel Moreno García, tivo algúns problemiñas coa conexión. O público agarda estoicamente. Xusto fóra, a Wii segue a causar furor.