Vieiros

Renato Teixeira apresentará livro em CC da Comunicaçom da USC malia as inauditas exigencias do Decanato

Junho de 2007

O Decanato da Facudade de Ciências da Comunicaçom da USC (Cámpus Norte) vem de informar à nossa organizaçom da impossibilidade de aceder ao uso de aulas neste centro a título gratuito. Segundo comentou o próprio Decano após sucessivas visitas à conserjaria e à sua secretaria, esta Faculdade exige o pagamento dumhas quantidades económicas desorbitadas a quem organizar qualquer acto que requira a utilizaçom dum espaço físico no interior do prédio.

AGIR quer denunciar esta impresentável atitude para conhecimento da comunidade universitária, acostumada a entraves da mais ampla gama contra a autoorganizaçom e movimentaçom estudantil por parte dos altos cargos da nossa Universidade. Nom estamos, porém, afeit@s nem dispost@s a que se chegue a estes extremos.
É por isto que, rematado já este curso 2006/07 na Universidade compostelá, poremos toda a força do independentismo estudantil em atacar nos vindouros cursos nom só o alargamento desta política de financiamento ilegítima da USC -paralela à sua mercantilizaçom-, mas também enfrentando-nos àquelas, como é o caso, já impostas.


O jornalista e escritor português Renato Teixeira apresentará livro em Ciências da Comunicaçom


Com todo, o propósito inicial que nos levou a colidar com a ditadura do capital nesta Faculdade, a apresentaçom nela do livro "Ardinas da mentira" da editora portuguesa Dinossauro, será finalmente satisfeito. AGIR tivo em mente possibilitar o escritor Renato Teixeira a celebraçom dumha palestra na Unversidade da capital do País. Como jornalista que é, manifestou-nos o seu especial interesse por poder ministrá-la na devandita Faculdade.Nós, os e as estudantes revolucionári@s da Galiza vamos fazer com que se satisfaga a humilde petiçom de Renato Teixeira.

O vindouro dia 19, às 12 horas da manhá, na Faculdade de Ciências da Comunicaçom, ocuparemos umha aula para realizar o encontro com o intuito de amosar a nossa intransigência com o processo de mercantilizaçom da Universidade. Nom vam conseguir que nos humilhemos. A aula será notificada à entrada do centro.

Por todo o dito, quer pola gravidade da situaçom em que nos atopamos @s estudantes da Galiza para desenvolver com normalidade actividades nas nossas Universidades, quer pola necessidade de publicitar um acto boicotado polo Decanato de Ciências da Comunicaom, solicitamos a maior difussom possível da presença do Renato Teixeira o dia e à hora citadas, no lugar mencionado, para falarmos da sua experiência na informaçom em Génova durante a celebraçom da cimeira do G-8, e sobre a relaçom entre os meios e o poder.

Ficades convidad@s