Vieiros

O 2 de xuño e o 7 de xullo, o pontevedrés monte de A Fracha acollerá sendas provas da especialidade de descenso, a vertente máis radical dó ciclismo de montaña.

As previsións da entidade organizadora, a PC Motobike de Pontevedra, para esta fin de semá, fan pensar nunha xornada de intensa festa das rodas gordas; pois o ritmo dos entrenamentos libres que se está a producir nas últimas semás, asegura unha numerosa participación, encabezada coa presenza dos corredores galegos máis punteiros da modalidade: os élite Jorge Aguín e Daniel Alvarez, ou os master 30 Manuel Verdía e Marcos Balbuena, xunto co xovencísimo Toni Pajuelo.

Ambolos dous circuitos programados, xa son vellos coñecidos de pilotos e afeccionados, pois neles disputáronse provas dó calendario galego e estatal fai algúns anos. Parcialmente remozados, seguen a manter os seus principáis sináis de identidade: velocidade e trazado asequible para a grande maioría. Esta segunda característica, a ausencia de dificultades extremas, é a que lle asegura todas as papeletas para obter un cheo absoluto en canto a participación, agora que o habitual son circuitos só aptos para uns poucos.