Vieiros

  Trátase dun proxecto pioneiro en Galiza que pretende establecer un catálogo visual do mundo galego relacionado co mar. É a primeira vez que dende un organismo oficial se plantexa un tratamento do patrimonio fotográfico a nivel galego. O proceso de dixitalización inclúe tanto fotografías como negativos e diapositivas. A única condición preestablecida é que o seu contido teña relación co mar e foran feitas antes do ano 2000. Deste xeito, a maioría das imaxes pertencentes aos albumes fotográficos familiares teñen cabida no proxecto. Procesións marítimas, paisaxes, traballos e faenas mariñeiras, vacacións ou construcións do litoral son motivos que se axustan aos obxectivos do proxecto.  Non importa que sexan imaxes en branco e negro ou en cor.
Toda persoa interesada en participar coa Memoria do mar  recibirá un CD coas súas fotografías dixitalizadas. Os técnicos do Museo do Mar estarán en Muros do 21 ao 24 de Abril en horario de 10:30 a 14:00 horas e 16 a 19:00 horas na lonxa da localidade, a disposición das persoas interesadas.

Visita a páxina do proxecto: www.memoriadomar.com