Vieiros

A Assembleia Nacional de AGIR tivo lugar este sábado. Militantes de quatro comarcas, três delas organizadas em Conselhos Locais, assistírom ao VI encontro onde a organizaçom estudantil da esquerda independentista se reordena democraticamente.

Abertura e Informe de Gestom

Rute Cortiço, em nome do Conseho Local de Compostela, fijo um discurso de boas-vindas e abertura da assembleia.

A jornada vespertina, dumhas 3 horas de debate interno, começou logo com a apresentaçom polo Conselho Nacional saínte da proposta de Regulamento para a VI Assembleia Nacional, e a posterior leitura do Informe de Gestom.

A seguir, abriu-se um tempo de intervençons em que a militáncia pudo reivindicar, a título individual, os aspectos de maior releváncia para AGIR, desde Setembro de 2005 e face ao futuro imediato, de acordo, em desacordo ou à margem da exposiçom feita polo Responsável Nacional de Organizaçom, Senim Gonçalves.

Decurso posterior

Posteriormente dissolveu-se o Conselho Nacional, dando passagem a umha Mesa moderadora que dirigiu o debate das Teses Política e Organizativa. A primeira delas será exposta publicamente enquanto a tivermos maquetada em formato digital disponível para descarregar pola rede. A segunda consistiu na intervençom sobre os Estatutos da organizaçom. Os resultados fôrom, entre outros:

- A aprovaçom de duas emendas aos artigos 4 e 21, a primeira à totalidade do mesmo.
- A modificaçom da denominaçom do máximo órgao entre Assembleias Nacionais, que passará de ser Conselho Nacional a Direcçom Nacional.
- A reconfiguraçom das Responsabilidades Nacionais e a conseqüente ordenaçom das funçons atribuídas a cada cargo.

Já achegando-nos ao final, apresentou-se umha candidatura em forma adequada para entrar como Direcçom Nacional.

Ainda, fôrom apresentadas 8 Resoluçons da VI Assembleia Nacional.

Ambas propostas fôrom apoiadas unanimemente.

Acto de encerramento

Ante a presença de delegaçons convidadas e amigos, amigas e simpatizantes, procedeu-se à exposiçom das Resoluçons pola companheira Íria Rios, e à proclamaçom da Direcçom Nacional integrada por:

Senim Gonçalves
Rute Cortiço
Iago Barros
Sheila Fernandes
José Miguel Ramos
David Outeiro

Agradecemos às entidades que intervinhérom fisicamente, e às que nom o pudêrom fazer, as saudaçons e os ánimos desejados. Também, aos e às jovens a quem abrimos as portas da Faculdade, a partir das 20 horas, pola sua assistência e apoio.

Para rematar, Senim Gonçalves, em exercício da porta-vozia eventual, fijo umha intervençom em nome da Direcçom Nacional ante militantes e convidad@s.Cantárom-se A Internacional e o Hino da Pátria, e deu-se por rematada a VI Assembleia Nacional de AGIR que, de modo ordinário, passará a celebrar-se por nova disposiçom estatutária cada 2 anos.

Até entom, previssivelmente até 2009, temos muito trabalho por fazer. Nisto seguiremos.