Vieiros

O Banco Pastor: mais um a concorrer na mercantilizaçom da Universidade

Setembro de 2007

O capital financeiro continua este curso com o alargamento dumha das mais elementares funçons públicas que se podam considerar: a prestaçom de bolsas de estudo.

É o Banco Pastor quem se soma às entidades CaixaGalicia e BSCH, cuja participaçom na Universidade galega é já bem conhecida, sendo responsáveis das aportaçons creditícias que hipotecam o futuro da mocidade trabalhadora que estuda cursos superiores.

A Fundaçom Pedro Barrié da Maza, accionista em 40% do Banco Pastor e criada por um dos grandes beneficiários capitalistas do espólio da ditadura franquista, o Conde de Fenosa, é copartícipe desta iniciativa que no curso 2007/08 procederá à entrega dum máximo de 20 bolsas. Estas consistirám em 2.800 euros mais o custo da matrícula, tal e como se indica na propaganda enviada maciçamente a correios de estudantes.

De AGIR chamamos à luita contra a mercantilizaçom dos serviços públicos de ensino superior, partindo dum rechaço frontal à apropriaçom pola lógica capitalista das entidades financeiras das ajudas económicas, cuja superaçom passa pola eliminaçom total dos entraves classistas que impedem um acesso livre, universal e gratuito à Universidade.