Vieiros

12-13 de maio: MONTAÑAS EN REDE. Seguro que algunha vez pensaches que as montañas precisan axuda. Estacións de esquí, urbanizacións, pistas, canteiras, expolio cinexético e forestal, parques eólicos agresivos, minicentrais... E quizais pensaches HAI QUE FACER ALGO. ADEGA e Red Montañas pensamos coma ti. FAI OÍR A TÚA VOZ EN DEFENSA DAS MONTAÑAS! Actúa os días 12 e 13 de maio para recordarlles aos políticos que as montañas son LUGARES ESPECIAIS que precisan dun TRATO ESPECIAL. Da súa conservación depende o futuro da auga, de ecosistemas e paisaxes ameazadas, e de moitos outros bens naturais importantes para a sociedade. Baixa o Manifesto MONTAÑAS 07.pdf Manifesto MONTAÑAS 2007


PARTICIPAR É MOI SINXELO: Poderás aproveitar as túas excursións á montaña desa fin de semana para facer unha foto no cumio coa túa pancarta. Podes escoller entre tres formatos de pancarta para 1, 4 ou 8 folios:

FaixaLOGOS FaixaM4.pdf FaixaM8.pdf

De volta á túa casa, non terás máis que sentar cinco minutos ante o computador e entrar no sito web de Rede Montañas (www.redmontanas.org) ou mandando un mail a ADEGA (adega@adega.info) para enviar a túa foto e encher un formulario moi sinxelo. Non terás que dar os teus datos persoais, pero si poderás aproveitar para indicar cales son ao teu xuízo, as ameazas ou problemas que sofre a área local de montaña que elixiches para facer a túa ascensión. A túa ascensión quedará reflectida no mapa e na galería de fotos.

Uns días despois, cando todos e todas subirades a vosa información, ADEGA e Red Montañas, no seu nome e no de todas aquelas asociacións que o desexen, ocuparase de enviar en nome de todos os participantes, unha mensaxe á Ministra de Medio Ambiente, a todos e todas os Presidentes autonómicos e aos partidos políticos pedindolles que NON HAXA NINGUNHA MONTAÑA SEN PROTECCIÓN.

O ano pasado, as 43 ascensións do 21 de maio serviron para que o Ministerio de Medio Ambiente se comprometera a impulsar a aprobación da Carta das Montañas. Agora a pelota está no tellado das Comunidades Autónomas, que son as que xestionan o territorio. Os seus responsábeis políticos deben comprender que as montañas precisan medidas especiais de protección, e nós ímosllo recordar.

Podes colaborar tamén mercando unha camiseta especial deseñada para a campaña por Kukuxumuxu.