Vieiros

“Analizar as perspectivas, os desafíos, as ameazas de catro realidades non suficientemente coñecidas en Galiza á hora de enxergarmos as tácticas e estratexias revolucionarias para acadar a liberdade”. Este é o obxectivo que se marcan as XIV Xornadas Independentistas Galegas, que por décimo cuarto ano consecutivo organiza en Compostela Primeira Linha.

Esta edición, que se celebrará nas instalacións do Centro Social Gentalha do Pichel o vindeiro sábado 29 de maio, contará coa presenza de cinco dirixentes das esquerdas independentistas de Escocia, Galiza, Países Cataláns, Córsega e Porto Rico. Enmarcada no lema “As luitas de libertaçom nacional no centro capitalista”, os poñentes serán Johanna Dind (Scottish Socialist Party - SSP ), Alberte Moço (Porta-voz nacional de NÓS-UP), Aquiles Rubio (Endavant-OSAN) Paulu Susini (dirixente de Corsica Libera) e Salvador Tió (da esquerda independentista portorriqueña).

• Reproducimos aquí o programa desta edición:

Galiza e Países Catalans frente ao assimilacionismo espanhol (11 horas)

-Alberte Moço, Porta-voz nacional de NÓS-UP (Galiza)

-Aquiles Rubio i Villalvilla, Endavant-OSAN (Países Cataláns)

Escócia, Córsega e Porto Rico, três luitas anti-imperialistas (16:30 horas)

-Johanna Dind, Scotish Socialist Party (Escócia)

-Paulu Antone Susini, Corsica Libera (Córsega)

-Salvador Tió, independentista portorriquenho (Porto Rico)

Cinco realidades, um mesmo combate (19:00 horas)

-Johanna Dind

-Alberte Moço

-Aquilles Rubio i Villalvilla

-Paulo Antone Susini

-Salvador Tió

• Máis información na web de Primeira Linha