A Pinguela leva para Monforte a Copa Galicia de voleibol feminino
As xogadoras do Xacobeo 2010 Ribeira Sacra impuxéronse ás do Emevé Laboratorios Nupel por 3-0, revalidando o título conseguido o ano pasado.
A Pinguela revalida título
O Xacobeo 2010 Ribeira Sacra CV A Pinguela conseguiu este domingo a Copa Galicia de voleibol feminino disputada no pavillón de Coia en Vigo, logo de se impor ao Emevé Laboratorios Nupel por 3-0. A equipa monfortina revalidou o título logrado o ano pasado en Lugo e sumou deste xeito o seu 19º trofeo nesta competición.
O conxunto que dirixe Hugo Gotuzzo, o único que milita na Superliga, deixou clara a diferenza de categoría xa no primeiro set, que sentenciou cun claro 25-15, ao igual que no terceiro (25-12). Mais foi no segundo onde a calidade das monfortistas foi máis evidente (25-8).
Na competición masculina, o Club Voleibol Vigo (da Superliga 2) gañou na final ao Turismo de Vigo por 3-0. Por outra banda, o sábado organizouse a II Gala do voleibol galego. María Xosé Garrido e Pablo Bugallo Sánchez foron elixidos mellores xogadores de 2009 e o Emevé (Lugo) e o Ribeira Sacra (Monforte), mellores clubs.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto