Vieiros

Este venres comezouse a distribuír en Londres un xornal gratuíto que aspira a revolucionar a prensa en papel. The Blogpaper baseáse en temas tirados exclusivamente de blogs. Polo momento distribúese en catro estacións de metro da cidade, ademais de en Stratford. Os contidos son decididos polo voto popular a través da web do xornal.

O novo medio aspira a combinar "dous tipos de medios diferentes aínda que igual de importantes: internet e a prensa", segundo informa na súa web. Fundado por Anton Waldburg e Karl Jo Seilern, preténdese que se financie mediante publicidade, pois non pagarán os blogueiros polo seu traballo.

Mentres moitas publicacións en papel están a darlle cada vez máis importancia á versión online, The Blogpaper amosa o paso contrario: como contidos da rede poden atopar espazo en papel como prensa gratuíta.