Vieiros

O tsunami tivo a súa orixe nun terremoto de magnitude oito na escala de Richter orixinado 190 kilómetros ao suroeste de Samoa Americana, segundo informou o Centro Xeolóxico dos EUA, que nun primeiro momento dixo que o terremoto tivera unha magnitude de 7,9 graos na escala de Richter. O seísmo rexistrouse a 18 kilómetros de profundidade. Aínda que os balances iniciais falaban de 20 falecidos, o Centro de Xestión de Desastres do Estado de Samoa confirmou que o número de mortos pode superar xa a centena, aínda que oficialmente hai 75. 

O presidente estadounidense Barack Obama, apresurouse a declarar como zona de desastre a Samoa Americana. “A decisión do presidente permite poñer axudas federais a disposición dos afectados no territorio norteamericano de Samoa”, así informou o responsable da Axencia Federal de Xestión de Emerxencias (FEMA). A axencia activou o Centro de Coordinación Nacional para responder a emerxencia, e ademais preparou o envío de subministros necesarios para a poboación afectada que inclúen material de primeira necesidade e sanitario