Vieiros

Se sempre se empregou a retranca como contrapunto das decisións políticas, a rede multiplica nos últimos anos as críticas, especialmente as que están cargadas de humor. Un exemplo é o dunha canción que circula por internet que critica o cambio de nome das galescolas.

Os autores do tema satírico (que se autodenominan The Blue Birds) non dubidan en inspirarse no tema “Azul” do mexicano Christian Castro, que en 2001 puxo patas para arriba o mercado latinoamericano ao converter en ghit aquel traballo. Os que subiron a versión ao portal Imeem non dubidan en asegurar que o tema é “o éxito dos novos tempos, polo conxunto pop-cock "The Blue Birds", que aspira a converterse na sensación choqueira deste verán, diga o que diga o Apologhit.”

Aquí poden escoitar a particular revisión daquel tema.