Vieiros

Tres empresas lácteas estudaban, na tardiña desta terza feira, cales delas habían asumir as rutas nas que se localizan as dúas explotacións ás que Leite Río rexeitou seguir adquirindo a súa materia prima. A Consellaría de Medio Rural informará esta cuarta feira aos gandeiros afectados que industria pasará a retirar o leite das súas explotacións.

Así o asegurou o alcalde de Barreiros, Alfonso Fuentes Parga (PPdeG), quen tamén sinalou que as negociacións impulsadas polo departamento de Samuel Juárez permitirán que os produtores lácteos non estean obrigados a tirar a súa materia prima, que en conxunto ascende a seis mil litros diarios.

As opcións baralladas, segundo aseguraron fontes del sector, apuntan a un grupo cooperativo e a un primeiro comprador que adquirirían a produción das dúas explotación mariñas. Pese a non ter transcendido o nome das industrias leiteiras, o xerente da Asociación de Empresas Lácteas de Galiza (Aelga), Pedro Ramos, confirmou leite "estaba asignado" dende a terza, e que será recollido a primeira hora da cuarta feira.