O CIP coruñés loitará coas mellores do estado
As mozas do equipo da Universidade da Coruña comeza o vindeiro día 21 a súa participación no campionato estatal de rugby.
Xogadoras do CIP Universidade da Coruña / Foto: Carlos del Río
O club de rugby CIP da Universidade da Coruña representará a Galiza no Copa estatal de rugby que comezará este mes de marzo. O equipo coruñés ganouse o dereito a estar nesta competición despois de proclamarse campión galego.
Agora disputará un torneo no que participan oito equipos divididos en dous grupos. O CIP xoga os dous primeiros partidos do grupo na casa contra o Olímpico Pozuelo de Madrid (sábado 21 de marzo) e o INEF Barcelona. Rematará a fase de grupos contra o Mungia Rugby, o 4 de abril.
As dúas escuadras mellor clasificadas nesta fase de grupos pasarán ás semifinais, que se disputarán ao mellor de dous partidos. En principio, o INEF Barcelona parte como favorito do grupo pola súa condición de actuais subcampioas, mais o CIP Universidade da Coruña tratará de facer un bo papel nunha competición en que acadou o terceiro lugar no ano 2004.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto