Vieiros

A Fronte Farabundo Martí para a Liberación Nacional (FMLN) obtería arredor do 42,3% dos apoios nas eleccións lexislativas, por riba do 39,5% da conservadora Alianza Republicana Nacionalista (ARENA), segundo os primeiros datos que chegan de El Salvador. As enquisas xa prognosticaran a vitoria da FMLN.

Con todo, nas eleccións municipais, a principal praza en disputa, a capital do país, San Salvador, resólvese de momento en favor dos conservadores, con triunfo para Norman Quijano, candidato da ARENA. O FMLN tiña o poder municipal aló desde 1997. O próximo 15 de marzo serán as eleccións presidenciais, co FMLN por vez primeira con aspiracións serias de alcanzar a presidencia.