Vieiros

Coas súas virtudes e cos seus defectos, para o crítico de cine e blogueiro, Martin Pawley, "Galiza é un país como calquera outro". Defende unha realidade na que, ao igual que en tantas outras, hai moito feito e tamén moito por facer e desenténdense do "derrotismo" daqueles que aseguran que todo chegará ou que repiten que "hai que seguir loitando" a xeito de traxedia clásica.

A de Pawley é a última das achegas á galería de opinións ao debate aberto por Vieiros sobre o país desexado, o posíbel ou o normal. A reflexión está aberta e durante as vindeiras semanas seguiremos entrevistando a persoeiros e cidadáns para que acheguen a súa proposta. Incorpórate á discusión e propón as túas ideas: ¿cal é a realidade que che gustaría vivir (se é que non a vives)? Cóntanos cal é o teu país normal.