Vieiros

Coincidindo co fin da campaña de outono están programadas catro saídas formativas con centros de ensino de todo o país. As saídas formativas consisten en realizar roteiros polo río escollido desenvolvendo e explicando a un grupo de participantes do Proxecto Ríos a metodoloxía e partes do programa. Na saída explicaranse de maneira didáctica os pasos a seguir para que o grupo de voluntarios poda logo desenvolver o programa autonomamente.

A campaña de outono remata oficialmente o día 31 de outubro, sendo o día límite de entrega de inspeccións o 10 de novembro. Todos os grupos participantes no Proxecto Ríos deberán enviar os resultados das súas inspeccións antes dese día. Con todos os datos recollidos o Proxecto Ríos elaborará o Informe Anual do Estado de Saúde dos Ríos Galegos que será presentado aos medios de comunicación, participantes e administracións a mediados de decembro do presente ano.