Vieiros

A FGB presentou o pasado luns o Club do adestrador, organismo creado en colaboración coa federación estatal. Trátase da primeira entidade deste carácter que se implanta no baloncesto estatal. Un dos obxectivos fundamentais do Club é fomentar a constante aprendizaxe dos adestradores, aproveitando as melloras tecnolóxicas coas que contan na actualidade. A través do Club do adestrador procúrase crear espazos para o aprendizaxe daqueles que están a formarse neste eido, mais sempre lembrándose dos pioneiros.

Precisamente como recoñecemento aos que levan tempo a traballar no baloncesto galego, Vicente Rodríguez "Cholas" e Moncho López foron nomeados socios de honra do club. Ademais nomeáronse outros sete socios honoríficos.

O Club ten definidas as liñas nas que pretende traballar, con medidas concretas como as seguintes: xornadas, másters, circuítos de formación, a creación dunha páxina web e tamén unha revista dixital, programación de cursos na rede ou o fomento de foros para o debate.