Vieiros

Se os cartos non o mercan todo, pouco lle falta. A policía vén de deter 27 persoas en todo o Estado, unha delas na Coruña, por falisificación de títulos universitarios. A rede ofrecía expedientes académicos falsos que sopostamente emitían universidades do Perú. Algúns dos arrestados exercían xa como médicos, psicólogos, químicos, enxeñeiros e incluso de historiadores. O máis curioso de todos estes casos é que o propio Ministerio de Educación homologaba os títulos universitarios.

Para vestir a bata branca non era preciso aprobar materias. Todo resultaba moi doado dispoñendo de 18 mil euros. Entre os detidos hai propietarios de academias. Un deles incluso exercía como falso médico nunha clínica da súa propiedade mentres que a súa muller rexentaba unha parfarmacia contigua.

O escándalo que podería implicar a centos de “profesionais” revela a facilidade para burlar o sistema de homologación de títulos expedidos no exterior. O mercadeo chega a tal punto que cunha simple busca en google atopamos páxinas que ofrecen un título universitario en cinco días.

As ofertas chegan a niveles esperpénticos. Por exemplo, a páxina titulosuniversitarios.org, inzada de faltas de ortografía, afirma que “esta é a túa oportunidade de conseguir o teu grao de universidade sen a máis mínima necesidade de abrir un libro”.