Vieiros

O actor e director estadounidense Paul Newman finou este sábado aos 83 anos, segundo informou nun comunicado a Fundación Newman's Own, organización filántropa que fundou o propio artista en 1982.

Newman, nacido o 26 de xaneiro de 1925, padecía unha grave enfermidade pulmonar e a mediados do pasado mes de agosto decidiu deixar o hospital onde estaba ingresado para se trasladar á súa casa, coa súa esposa, a actriz Joanne Woodward, e os seus tres fillos.

Gañou dous premios Óscar, un honorífico, e conseguiu varias nominacións; ademais de traballar en case 60 películas, dirixiu seis longametraxes, e fóra das pantallas impulsou numerosas actividades en beneficio dos máis necesitados.