Vieiros

Un atentado con coche bomba a carón da embaixada dos EUA no Iemen provocou a morte de 14 persoas, entre elas seis soldados iemenís. Segundo informaron fontes das forzas de seguridade, entre os falecidos tamén están catro dos atacant á delegación, ademais de peóns que pasaban pola zona.

Iemen está a sufrir nos últimos meses unha racha de atentados de Al Qaeda, que lles afectaron á embaixada estadounidense, á misión italiana e a turistas occidentais. O goberno do país, onde naceu Bin Laden, colabora co de Estados Unidos en labores de seguridade e intelixencia.

O anterior ataque contra a embaixada do país norteamericano producírase en marzo. Daquela, Al Qaeda reclamara a autoría, que non chegara a afectarlle ao edificio mais si provocara a morte dun policía da delegación. Os EUA decidiron en abril retirar o persoal non esencial da embaixada.