Vieiros

O campionato de Seleccións Autonómicas de Pesca de Salmónidos Mosca Xuventude tivo lugar a semana pasada na localidade pirenaica de Benasque. A competición desenvolveuse no río Ésera, nun fermoso entorno onde as troitas son abundantes pero pequenas.
David Arcay consegue así o seu segundo campionato estatal júnior, ao que hai que sumar a participación en varios campionatos mundiais. Detrás de el remataron o valenciano Vicente Aranda López e o vasco Diego Mateo Suarez. En Benasque celebráronse tamén as probas de selección para o Campionato do Mundo 2009, e o coruñés volveu impoñerse con autoridade.

No que se refire ao equipo galego este estaba formado por cinco mozos, dos que se usaban as tres mellores puntuacións. Unha das utilizadas foi a de Arcay, mentras que as outras dúas foron as dos novatos Andrés Álvarez Toirán e Xulio Fernández Martín. Nesta modalidade os galegos precederon aos equipos Catalán e Vasco, que remataron segundo e terceiro respectivamente.