Edición xeral
O goberno israelí ceiba perto de 200 presos palestinos de Al Fatah
Tel Aviv presenta a operación, ao abeiro das conversas de Annapolis, como un xesto de boa vontade cara ao presidente Abbas.
Os presos, pouco antes de seren ceibados, na prisión de Ofer
O goberno do Estado de Israel ceibou este luns a primeira hora da maña 199 presos palestinos (194 homes e catro mulleres, segundo a axencia Reuters) como xesto de boa vontade cara ao goberno presidido por Mahmud Abbas.
A liberación dos convictos -entre os que hai dous condenados por asasinato en 1977 e 1979- coincide cunha nova visita da secretaria de Estado de EUA, Condoleezza Rice, e forma parte dos acordos de Annapolis.
Os presos foron trasladados en bus dende a prisión israelí de Ofer, en Cisxordania, deica o posto de control de Bitunia, perto de Ramala, informaron fontes da Organización para a Liberación Palestina (OLP).
O xefe do Servizo de Seguridade israelí, Yuval Diskin, manifestou a semana pasada que a liberación dos presos "supón presión para Hamás".
Novas relacionadas
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto