Vieiros

"Traballade por Obama como o fariades por min". A senadora por Nova York Hillary Clinton anunciou finalmente este sábado que renuncia a seguir pelexando pola candidatura demócrata á Presidencia do goberno de EUA e que lle dará o seu apoio ao candidato Barack Obama.

Ante centos de simpatizantes, no National Building Museum de Washington, Clinton formalizou a súa despedida das eleccións primarias citando o lema de campaña do seu até o de agora rival: Yes, we can (Abofé que podemos).