Vieiros

Colorin colorado, Nicanor se ha acabado. Esta foi unha das consignas que esta noite berraba o pobo paraguaio, ao coñecerse o 90% do escrutinio que daba a victoria nas eleccións a Presidente e Vicepresidente da República á Alianza Patriótica por el Cambio (APC) e cunha altisima participación amenazada previamente por previsibles incidentes violentos. Esta candidatura inédita, conseguiu engaiolar a máis do 40% da poboación. Un país con profundas carencias, cun 35% de pobreza, cun 70% de xente menor de 30 anos, o que o convirte nun dos pais mais novo do continente sudamericano, e con profundas dificultades mediáticas e económicas para que esta candidatura, e o movimento social, labrego e cultural que a apoiaba, poidera sair victoriosa.


Na experiencia de Observadora Internacional convidada pola Corte Electoral de Paraguay, pasei a xornada do 20 de abril, iniciada en Asunción e indo despois ao distrito de San Pedro, cidade de Capiibary, no corazón da pobreza extrema e do epicentro dos movimentos campesinos, que defenden súa capacidade productiva. Era ali máis necesario estar que nas rúas de Asunción, nutridas dos máis de 300 observadores da OEA. A ruta a San Pedro, leva máis de tres horas de viaxe, cunha gran dispersión xeográfica, e a carretaxe de votantes en veiculos de duas, catro, 8 ou 12 rodas, a postar do tránsito. Nun dia no que o bon tempo fixo compaña, a Escola do Colexio San Clemente Maria de San Roque, ferve coa chegada de xente. Non se lembra tanto movimento na historia do Paraguay. E asi, mesa tras mesa, escola tras escola, distrito tras distrito, cidade, estado. As radios comunitarias xiran a carón nosa, para perguntar, para ver se vemos incidencias. Sinto que hai tantas cousas que me lembran a Galiza, tantas, como o voto dos mortos, a carretaxe electoral e sobre todo, a falla de estima pola lingua, como sucede en Paraguai co guarani, que volta un flash back por un intre, lembrando a un caciquismo instalado.


Nos dias anteriores, respirabase o cambio, nos comentarios da xente, incluso do Partido Colorado, que afirmaban, estar fartos. Un partido herdeiro da dictadura, tal como afirmou a exministra de Educación e xa derrotada candidata Blanca Alvear, que foi aggiornado. A xente mudou, a xente cansouse, e precisaba un cambio. E Fernando Lugo, conseguiu motivar nun tempo récord de constitución deste bloque electoral, para que hoxe se mude a historia política da República do Paraguay. Un pais rico, excedente de enerxia, pero que súas riquezas non benefician a seus habitantes, un pais cuns recursos naturales extraordinarios e un patrimonio cultural e humano fora do común. Unha campaña moi dura do oficialismo para criminalizar a Lugo, e para minusvalorar esta plataforma.O pais non puido aguantar máis, precisa dunha reforma integral, no sistema administrativo, agrario, industrial e medio ambiental, cultural e lingüístico. Afirmaba Lugo na comparecencia que deu para a prensa internacional no Hotel Granados “tivemos a ousadia en menos de 8 meses de querer ser goberno”. Lugo soubo chegar a cidadania sinxela, á que non ten voz e presenta unha proposta aberta e plural que chegue a todos os sectores do pobo paraguaio.


Dende o BNG queremos felicitar este triunfo, ao que contribuimos coa nosa presenza e dende o proceso que vimos seguindo de colaboración dende hai dous anos, a internacional a situación de Paraguay, en estreita colaboración co Movimento Campesino Paraguaio e seu lider Belarmino Balbuena, que se presentaba a Senador, ainda non estando disponibel o reconto ate o luns ou martes.


Un novo mencer para o Paraguay, que despois de tantos anos pechado, cun goberno corrupto, quere tomar seu destino, nun contexto importante da integración no Mercosur e nun proceso de reformas en toda Latinoamérica, no que faltaba esta peza do dómino para completar un tableiro estratéxico. Funcionuo a solidaridade internacional, aplicouse aqui con este enorme e voluntarista despregue internacional unha forma de relacións diplomáticas baseada no multilateralismo da solidaridade, como a nosa humilde presenza na testemuña, na denuncia e na alegria compartida neste novo mencer do Paraguay que encabeza o Presidente Fernando Lugo.


NOTA:

Dentro da categoria de observadores internacionales, que fomos convidados pola Corte Electoral Central do Paraguay, existian tres tipos de Observadores, os Nacionales, os da OEA e os Observadorerses Internacionales convidados, que son proposta dos diferentes grupos.Durante o proceso previo, todos e cada un dos observadores, mantivemos a nosa imparcialidade no proceso, mais rematado o reconto electoral, os Observadores Internacionales Convidados, na súa maioria, concentrámomos no Hotel Granados, para apoiar o triunfo. Os observadores e a prensa extranxeira, conseguiu internacionalizar esta situación, polo que máis que unha cuestión de forma, considero que está un tema de fondo . E innegable que o BNG apoiou que estas eleccións foran limpas coa súa presenza, pero na categoria de observador internacional convidado, pasado o reconto, non se vulnerou o regulamento electoral.