Vieiros

E é que empresas fabricantes como Nokia estanse a atopar con que poucos operadores teñen servizos de transmisión para os aparatos que permiten ver a televisión no terminal móbil. Di Nielas Savander, xefe da división de servizos para Internet de Nokia, que a xente está máis interesada na descarga de datos a través do móbil e non na transmisión de contidos televisivos.Ademais, din desde Nokia (que foi unha das compañías que máis impulsou a promoción da transmisión televisiva a través do móbil) que existe confusión entre a xente que usa este servizo, posto que o fan por medio do 3G (co conseguinte beneficio económico para as operadoras) e non mediante a tecnoloxía IP para dispositivos portátiles DVB-H que se impulsou dacordo co estándar europeo e que permite maior calidade de imaxe.