Vieiros

A Dirección Xeral de Protección Civil activou a alerta laranxa por neve nas metade norte do país a partir deste sábado e a alerta amarela no mar como consecuencia dos fenómenos meteorolóxicos adversos.

Segundo indicou o Goberno este venres á tarde nun comunicado de prensa, a Axencia Estatal de Meteoroloxía (AEMET) prevé precipitacións que poderán ser localmente moderadas na metade norte e en forma de neve a partir dos 900 metros, con tendencia a baixar ao longo do día até os 700 metros e mesmo cotas inferiores.

Na zona norte (comarcas das provincias de Lugo e da Coruña) poderíanse acumular até oito centímetros de espesura e catro centímetros na sueste (comarcas da provincia de Ourense).

Alerta amarela no mar
Ademais, continuarán os fenómenos adversos na franxa costeira por mar de fondo do noroeste con ondas de 1,5 metros que poderían aumentar deica os 3,5. O vento en mar será de noroeste a norte e alcanzará forzas 5 e 6 con intervalos de forza 7. Xa que logo, Protección Civil activou a alerta amarela no mar.