Vieiros

"Leñaverde é un proceso, que medra e evoluciona. É un ser vivo composto pola alma creativa deste recuncho atlántico e polo corpo salgado que modelamos dende hai oito anos… mozos e mozas da costa sur dun país verde que se reflexa nun mundo azul e negro ao que a cultura lle da formas, linguas, imaxes e personalidades diferentes pero comúns".

Unha experiencia de animación sociocultural orientada a mellorar a participación social da mocidade e a fomentar a cultura como medio de desenvolvemento persoal, social e económico. Para desenvolver un tecido social e cultural participativo e formado, peza clave no desenvolvemento integral dun país moderno.

Co espectáculo Deriva Atlántica buscan achegar a cultura atlántica da vila de Boiro a diferentes espazos da cidade de Barcelona. Tamén presentar un dos proxectos máis innovadores do panorama cultural, a nivel local e comarcal, da Galiza actual.

Para esta viaxe contan co apoio e a colaboración de Rede.cat, a cal ten coma un dos seus principais obxectivos aproximar as culturas galega e catalá partindo dunha visión da cultura como un organismo vivo, dinámico e crítico. Esta vez para compartir e intercambiar aqueles aspectos máis significativos das respectivas culturas do mar, para facer máis próximas as ondas atlántica e mediterránea.

Mércores, 12 de marzo
Deriva Atlántica, audiovisual e presentación de Leñaverde.

Ás 12 h, na Universitat Autònoma de Barcelona
Sala de Juntes. Facultat de Filosofia i Lletres
Edifici B. Bellaterra (Cerdanyola del Vallès)

Ás 19.30 h, na Galeria Sargadelos de Barcelona
Provença, 276


ACTO PRINCIPAL
Sábado, 15 de marzo, 20.30 h

Presentación artística de Leñaverde. Drassanes Reials.

Con performance poética e intervención teatral a cargo do actor Serafín Marcos, proxección audiovisual do Proxecto Leñaverde, concerto e recital da cantante Sonia Levedinsky do grupo folk Fía na Roca e degustación de produtos galegos.

Museu Marítim de Barcelona
Av. de les Drassanes s/n